2008-ci il martın 13-14-də London şəhərində nüfuzlu "Central Banking Publications" şirkəti tərəfindən təşkil edilmiş "Dövlət Vəsaitlərinin İdarəedilməsi Fondları" mövzusunda konfrans keçirilmişdir. Konfransda dünyanın bir çox ölkələrində fəaliyyət göstərən dövlət vəsaitlərinin idarəedilməsi fondlarının nümayəndələri, dünyanın aparıcı banklarının yüksək vəzifəli şəxsləri, beynəlxalq maliyyə qurumlarının nümayəndələri iştirak etmişdir.

Azərbaycan Respublikası Dövlət Neft Fondunun icraçı direktoru Şahmar Mövsümov konfransda təqdimatla çıxış etmişdir.

Ş. Mövsümov Dövlət Neft Fondunun fəaliyyəti və dövlət vəsaitlərinin idarəedilməsi sahəsində Fondun təcrübəsi barədə konfrans iştirakçılarına ətraflı məlumat vermişdir.