oil fund

AZƏRBAYCAN RESPUBLİKASI DÖVLƏT NEFT FONDU

Neft Fondunun İcraçı Direktoru İsveçrə Milli Bankının nümayəndə heyətini qəbul etmişdir

21 May 2009 11:00:00

Neft Fondunun İcraçı Direktoru İsveçrə Milli Bankının nümayəndə heyətini qəbul etmişdir

21 May 2009 11:00:00
Azərbaycan Respublikası Dövlət Neft Fondunun (ARDNF) icraçı direktoru Şahmar Mövsümov 2009-cu il mayın 21-də İsveçrə Milli Bankının sədri Jan Pier-Rotun rəhbərlik etdiyi nümayəndə heyətini qəbul etmişdir.

Ş. Mövsümov Dövlət Neft Fondunun fəaliyyəti, Fondun vəsaitlərinin idarə edilməsi, Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsünün (MHŞT) Azərbaycanda tətbiqi prosesində ARDNF-nin aparıcı rolu barədə qonaqlara ətraflı məlumat vermişdir. Görüş zamanı Dövlət Neft Fondu tərəfindən maliyyələşdirilən layihələrin inkişaf üçün əhəmiyyəti xüsusi vurğulanmışdır.

Jan Pier-Rot Dövlət Neft Fondunun MHŞT-nin tətbiqi sahəsində uğurları, Azərbaycanın bu sahədə tamhüquqlu üzv statusunu almış ilk və yeganə ölkə olması münasibətilə Ş. Mövsümovu təbrik etmiş və Fondun öz fəaliyyətində şəffaflığı təmin etməsini yüksək qiymətləndirdiyini qeyd etmişdir.

Görüşdə eyni zamanda dünya maliyyə bazarlarındakı mövcud vəziyyət, ölkəmizdə aparılan iqtisadi islahatlar, Azərbaycanda neft sektorunun rolu, neft gəlirlərinin artmasının ölkəyə təsiri, əsas prioritet məsələlərdən olan qeyri-neft sektorunun inkişaf etdirilməsi və digər məsələlər ətrafında fikir mübadiləsi aparılmışdır.


Xəbərlərə abunə ol