2015-ci ilaprel ayının 29-da Azərbaycan Respublikası Dövlət Neft Fondunun (ARDNF) İcraçı direktoru Şahmar Mövsümov ilə Avropa Şurası Nazirlər Komitəsinin sədri, Belçika Krallığı Baş nazirinin müavini, xarici işlər, xarici ticarət və inkişafa yardım naziri, Didier Reindersin başçılıq etdiyi nümayəndə heyəti arasında görüş keçirilmişdir.

Ş. Mövsümov Dövlət Neft Fondunun fəaliyyəti, Fondun vəsaitlərinin idarə edilməsi, investisiya fəaliyyəti, Neft Fondu tərəfindən maliyyələşdirilən layihələr barədə qonaqlara ətraflı məlumat vermişdir. Görüş zamanı tərəflər həmçinin Azərbaycan Respublikası və Belçika Krallığı arasında sərmayə qoyuluşları və digər məsələlər ətrafında fikir mübadiləsi aparmışlar.

Görüşün sonunda Ş. Mövsümov ARDNF-nin fəaliyyətinə dair qonaqları maraqlandıran sualları cavablandırmışdır.