İctimaiyyətlə əlaqələr

Azərbaycan Respublikası Dövlət Neft Fondunun (ARDNF) ictimaiyyətlə əlaqələr sahəsində fəaliyyəti ictimaiyyətin bütün nümayəndələri ilə münasibətlərin düzgün koordinasiya edilməsinə və onların ARDNF haqqında informasiya ehtiyaclarının ödənilməsini təmin etməyə yönəldilmişdir.

ARDNF ictimaiyyət nümayəndələrinin suallarını cavablandırmaqda hər zaman maraqlıdır. ARDNF-yə hər gün daxil olan müxtəlif şifahi və yazılı sorğular “İnformasiya əldə etmək” haqqında Qanunda nəzərdə tutulmuş vaxt çərçivəsində və sahibi olduğu informasiyanın təmin edilməsi şərtilə cavablandırılır.

2017-ci il 13 mart tarixində ARDNF-nin “İnformasiya siyasəti” təsdiq edilib. ARDNF-nin informasiya siyasəti onun şəffaf dövlət təşkilatı imicinin qorunmasına və inkişaf etdirilməsinə xidmət edir. İnformasiya siyasətinin əsas prinsipləri aşağıdakılardır:

1.

AR qanunlarına, məlumat azadlığını tənzimləyən müəyyən olunmuş norma və qaydalara əməl edilməsi

;

2.

ARDNF-nin şəffaflığı təmin etmək maraqlarının qorunması

;

3.

İnformasiyanın ictimaiyyətə müntə-zəm və KİV-ə ədalət prinsipinin qo-runması şərti ilə çatdırılması

;

4.

Açıqlanan informasiyanın dəqiqliyinin təmin olunması

;

5.

ARDNF-nin sahibi olmadığı informasiyanın konfidensiallığının qorunması

;

Bu gün bir çox KİV-lər ARDNF-ni onların sorğularını vaxtında və ətraflı cavablandıran dövlət qurumu kimi qiymətləndirirlər.

ARDNF-nin internet saytında mövcud olan birbaşa sorğu funksiyasından istifadə edən hər kəsin sorğusu ARDNF-nin İctimaiyyətlə əlaqələr departamentinin elektron poçtuna daxil olur və sualların qısa vaxt ərzində cavablandırılması təmin edilir. Sualların vaxtında cavablandırılması ilə yanaşı, bu həm ARDNF-nin, həm də sorğu göndərənin işini asanlaşdırır, bu funksiyadan istifadə edən sorğu göndərənin ARDNF-yə məktubla müraciət etməsinə ehtiyac qalmır.