2015-ci il mayın 10-da Azərbaycan Respublikası Dövlət Neft Fondunun (ARDNF) İcraçı direktoru Şahmar Mövsümovun başçılıq etdiyi nümayəndə heyəti Səudiyyə Ərəbistanının Ciddə şəhərində İslam İnkişaf Bankına (İİB) üzv dövlətlərin ilk Suveren İnvestisiyalar Forumunda iştirak etmişdir.

Forum çərçivəsində ARDNF-nin İcraçı direktoru Şahmar Mövsümov və İslam İnkişaf Bankının prezidenti Əhməd Məhəmməd Əli arasında görüş olmuşdur. Görüş zamanı Neft Fondu və İİB arasında qarşılıqlı əməkdaşlıq perspektivləri müzakirə edilmişdir.