ARDNF-də 8 Mart - Beynəlxalq Qadınlar Günü münasibətilə tədbir keçirilib.Tədbirdə tanınmış tarixçi və bələdçi Fuad Axundov “Azərbaycanın 7 öncül qadını” mövzusunda təqdimatla çıxış edib. Fuad Axundov öz təqdimatında müxtəlif incəsənət sahələrində pioner olmuş azərbaycanlı qadınların həyat və yaradıcılıqlarından, eləcə də, onların cəmiyyətin inkişafına qatdıqları müstəsna töhfələrdən ətraflı bəhs edib.

Öz çıxışında bu il yaranmasının 25 illiyi tamam olan Dövlət Neft Fondunun bu illər ərzində öz missiyasını uğurla yerinə yetirməsində qadınların rolunu və əməyini xüsusilə qiymətləndirən Fondun İcraçı direktorunun müşaviri Bəhruz Bəhramov xanım əməkdaşları bayram münasibətilə təbrik edib və onlara gələcək fəaliyyətlərində müvəffəqiyyətlər arzu edib.