oil fund

AZƏRBAYCAN RESPUBLİKASI DÖVLƏT NEFT FONDU

Azərbaycan Şəffaflıq Təşəbbüsü üzrə növbəti hesabatını açıqladı

03 Aug 2005 11:00:00

Azərbaycan Şəffaflıq Təşəbbüsü üzrə növbəti hesabatını açıqladı

03 Aug 2005 11:00:00
Bu press-reliz Mineral Ehtiyatlarının Hasilatı ilə Məşğul olan Sənaye Sahələrində Şəffaflıq Təşəbbüsü üzrə Komissiya, Azərbaycanın hasilat (neft və qaz) sənayesi sahəsində fəaliyyət göstərən şirkətlər və qeyri-hökumət təşkilatlarının Mədən Sənayesində Şəffaflığın Artırılması Koalisiyası tərəfindən birgə hazırlanmışdır.

"Mineral Ehtiyatlarının Hasilatı ilə Məşgul olan Sənaye Sahələrində Şəffaflıq Təşəbbusu (MHŞT)" adı altında 2003-cü il iyunun 17-də Londonda keçirilmiş konfransdan irəli gələn öhdəliklərin yerinə yetirilməsini təmin etmək məqsədilə Azərbaycan höküməti tərəfindən yaradılmış MHŞT üzrə Komissiya beynəlxalq nüfuza malik Deloitte şirkəti tərəfindən yoxlanılmışAzərbaycan Respublikası Hökümətinin mədən hasilatı sənayesində əldə etdiyi məcmu daxilolmaları barədə növbəti (ikinci)hesabatını (2004-cü il üzrə illik) bu gün açıqlamışdır. Dərc edilən hesabatlara eyni zamanda hasilat (neft-qaz) sənayesində fəaliyyət göstərən şirkətlərin təqdim etdikləri fərdi hesabatların təhlili əsasında audit şirkətinin verdiyi rəylər də daxildir.

Bununla da mineral ehtiyatlarının hasilatı ilə məşğul olan sənaye sahələrindən məcmu gəlirlər barədə artıq ikinci hesabatını dərc etdirən Azərbaycan hökuməti Təşəbbüslə bağlı üzərinə götürdüyü öhdəlikləri həyata keçirməkdə davam etdiyini təsdiq etmiş oldu. Şəffaflıq Təşəbbüsü çərçivəsində təqdim olunmuş hesabatların dərc olunması Mineral Ehtiyatlarının Hasilatı ilə Məşğul olan Sənaye Sahələrində

Şəffaflıq Təşəbbüsü (MHŞT) üzrə Komissiya, Azərbaycanın hasilat (neft və qaz) sənayesində fəaliyyət göstərən yerli və xarici şirkətlər və 32 qeyri-hökumət təşkilatının (QHT) təmsil olunduğu Mədən Sənayesində Şəffaflığın Artırılması Koalisiyası arasında imzalanmış 24 noyabr 2004-cü il tarixli Qarşılıqlı Anlaşma haqqında Memoranduma əsasən həyata keçirilir.

Ölkənin hesabatı, eləcə də audit şirkətinin rəyi iləDövlət Neft Fondunun, habeləMHŞT üzrə Katiblik funksiyalarını yerinə yetirən Böyük Britaniyanin Beynəlxalq Inkişaf NazirliyininvəQHT-lərin təmsil olunduğu Mədən Hasilatında Şəffalığın Artırılması Koalisiyasınıninternet səhifələrinə daxil olmaqla tanış omaq olar.

MHŞT üzrə Komissiyanın sədri Samir Şərifov Azərbaycan hökuməti tərəfindən
Şəffaflıq Təşəbbüsü üzrə növbəti hesabatın açıqlanması barədə bildirmişdir: “MHŞT çərçivəsində ikinci hesabat dövrəsinin başa çatdırılması aydın şəkildə bir daha onu göstərir ki, Azərbaycan özünün neft gəlirlərinin şəffaf şəkildə idarə edilməsi öhdəliyinə sadiqdir və bu istiqamətdə növbəti əhəmiyyətli bir addım atmışdır”.

Xarici neft şirkətləri adından çıxış edən BPnin Azərbaycandakı təmsilçi prezidenti Deyvid Vudvord dedi: “Azərbaycanın mədən sənayesində fəaliyyət göstərən xarici neft şirkətləri sayca ikinci MHŞT üzrə hesabatı alqışlayır. Bu hesabat bizim Azərbaycan höküməti, yerli neft şirkətləri və QHT koalisiyası ilə bu ölkədə MHŞT-nin tam həyata keçirilməsinə doğru birgə müvəffəqiyyətimizin davamının göstəricisidir. MHŞT-yə bütün tərəflərin davamlı nümayiş etdirdiyi öhdəlik bizi ruhlandırır və biz bu sahədə gələcək əməkdaşlığımıza böyük ümid bəsləyirik. Fikrimizcə, bu Azərbaycan hökümətinin neft və gaz işlənmələrindən gələn gəlirlərin maksimum nəticə əldə etməklə istifadə olunmasını təmin etmək üçün atdığı düzgün addımlardan biridir.”

Qeyri-hökümət təşkilatlarının koalisiyası adından Sabit Bağırov tərəfindən qeyd olundu ki: “2004-cü il üzrə Hesabatın Memorandum tərəflərinin müəyyənləşdirdiyi vaxtdan iki həftə öncə açıqlanması təqdirə layiqdir və Təşəbbüsün Azərbaycanda davamının sübutudur. Koalisiya ümid edir ki, 2005-ci ilin birinci yarısına dair Hesabat Memorandum tərəflerinin hazırda müzakirə etdikləri təkmilləşdirmələrlə hazırlanıb yaxın aylarda ictimaiyyət üçün açıqlanacaqdır”.


Azərbaycan Respublikası Hökümətinin mədən hasilatı sənayesində əldə etdiyi məcmu daxilolmaları barədə hesabat Hesabat dövrü: 2004-cü il (illik) Azərbaycan

Respublikasının Mineral Ehtiyatlarının Hasilatı ilə Məşğul olan Senaye Sahələrində Şəffafliq Təşəbbüsü üzrə Komissiyası ( Müstəqil Mühasiblərin Rəyi) - 31 dekabr 2004

Xəbərlərə abunə ol