Azərbaycan Respublikası Milli Məclisi sədrinin müavini

Doğulduğu tarix

28 oktyabr 1957-ci ildə anadan olmuşdur.

Təhsili

1974 - 1979-cu illər Bakı Dövlət Universitetinin Tarix fakültəsində təhsil almış və fərqlənmə diplomu ilə bitirmişdir.

1982-ci ildə BDU-nun Yeni və ən yeni tarix kafedrasının əyani aspiranturasına qəbul olmuş və 1986-ci ildə namizədlik dissertasiyasını müdafiə etmişdir.

1992-ci ildə isə doktorluq dissertasiyasını müdafiə etmişdir.

Elmi dərəcəsi

Tarix elmləri doktoru (elmi adı – professor)

İxtisaslaşma

Siyasətçi, tarixçi

Xarici dillər

İngilis, rus, türk

Ailə vəziyyəti

Ailəlidir, dörd övladı var.

İş təcrübəsi

1986-1992-ci illərdə Bakı Dövlət Universitetinin Avropa və Amerika ölkələrinin yeni və müasir tarixi kafedrasında baş laborant, müəllim, baş müəllim, dosent, Tarix fakültəsinin dekan müavini vəzifələrində çalışmışdır;

1992-1997-ci illərdə köçürmə yolu ilə Azərbaycan Respublikası Milli Məclisi Katibliyinin Beynəlxalq münasibətlər şöbəsində aparıcı mütəxəssis, baş məsləhətçi vəzifələrində çalışmışdır;

1997-2016-cı illərdə Bakı Dövlət Universitetinin Avropa və Amerika ölkələrinin yeni və müasir tarixi kafedrasının professoru işləmişdir;

2016-2024-cü illərdə AMEA Qafqazşünaslıq İnstitunun qurucu direktoru olmuşdur;

2017-ci ildən AMEA-nın müxbir üzvüdür.

Siyasi fəaliyyəti

IV, V, VI, VII çağırış Azərbaycan Respublikası Milli Məclisinin deputatı seçilmişdir;

VI çağırış Milli Məclisin Elm və təhsil komitəsinin sədr müavini olmuşdur;

VII çağırış Milli Məclis Sədrinin müavinidir.

Elmi fəaliyyəti

1987-1991-ci illər - SSRİ Elmlər Akademiyasının Xarici siyasət və beynəlxalq münasibətlər tarixi Elmi Şurasının, SSRİ Siyasi Elmlər Assosasiyasının üzvü olmuşdur;

1987-2024-cü illər - Azərbaycan, ABŞ, Almaniya, Avstriya, Rusiya, Gürcüstan, Qazaxıstan, Ukrayna, Polşa, Macarıstan, Moldova, Türkiyə, İran, Estoniya, Hollandiya, Şimali Kipr Türk Cumhuriyyəti, Bolqarıstan və başqa ölkələrdə keçirilən beynəlxalq elmi konfranslarda məruzələr etmişdir;

2004-cü ilin mart-may ayları - ABŞ-ın Vircinya ştatının Fairfax şəhərindəki Corc Meyson Universitetində təhsil araşdırmaları proqramı üzrə çalışmışdır.

Təltif və mükafatları

28.10.2017 - "Şöhrət" ordeni;

27.05.2018 - "Azərbaycan Xalq Cümhuriyyətinin 100 illiyi (1918–2018)" yubiley medalı;

24.12.2018 - Azərbaycan parlamentinin 100 illiyi münasibətilə Azərbaycan Respublikası Milli Məclisinin "Parlament" medalı;

09.07.2019 - "Azərbaycan Respublikası diplomatik xidmət orqanlarının 100 illiyi (1919 - 2019)" yubiley medalı;

14.08.2019 - "Azərbaycan Sərhəd Mühafizəsinin 100 illiyi (1919 - 2019)" yubiley medalı;

24.02.2024 - "Heydər Əliyevin 100 illiyi (1923–2023)" yubiley medalı.