Azərbaycan Respublikasının Dövlət Neft Fondu (Fond), 1999-cu ildə Azərbaycanın neft və qaz gəlirlərini indiki və gələcək nəsillərin mənafeyi naminə idarə edilməsi və qorunması məqsədilə yaradılmış suveren sərvət fondudur. Fond milli sərvətin qorunması, nəsillərarası ədalətin təmin edilməsi və davamlı iqtisadi inkişafın təşviqində mühüm rol oynayır.

Fond səhmlər, sabit gəlirli qiymətli kağızlar, daşınmaz əmlak və digər maliyyə alətləri də daxil olmaqla, investisiya portfelini idarə edir. Fondun investisiyaları uzunmüddətli maliyyə davamlılığını təmin etməyə və ölkənin iqtisadi sabitliyinə töhfə verməyə yönəlmiş strateji yanaşma ilə idarə olunur.

İnvestisiyalarda əməliyyatlar departamentinin İnvestisiyalar üzrə aparıcı hüquq məsləhətçisi vakansiyasına müraciət etməklə siz, Fondun investisiya strategiyası və hüquqi dəstəyinə töhfə vermək imkanını əldə etmiş olursunuz. Vəzifə öhdəliklərinə investisiya təkliflərinin hüquqi ekspertizanın keçirilməsi, sənədlərin nəzərdən keçirilməsi və müxtəlif hüquqi dəstək xidmətlərin göstərilməsi daxildir ki, bu da Fondun Azərbaycanın suveren sərvətini davamlı şəkildə idarə etmə missiyasını dəstəkləyir.

Siz hansı işləri görəcəksiniz? :

Bu vəzifə Fondun investisiya fəaliyyətinin bütün istiqamətləri üzrə peşəkar hüquqi dəstəyin göstərilməsini əhatə edəcək, o cümlədən:

• İnvestisiya fəaliyyəti ilə bağlı sənədlərin nəzərdən keçirilməsi: investisiya edilən fondların pay sahibləri arasında müqavilə, birgə fəaliyyət/müəssisə haqqında müqavilələr, İSDA (Beynəlxalq Svop vəDerivativlərAssosiasiyası) müqaviləsi və törəmə maliyyə alətlərinə aid sənədlər, Ən imtiyazlı ölkə şərtlərin və s. kimi əsas investisiya sənədlərin yoxlanılması və bununla əlaqədar rəyin bildirilməsi;
• Hüquqi ekspertizanın (due diligence) keçirilməsi: yeni investisiyalar üçün hüquqi ekspertizanın keçirilməsində dəstək, xarici məsləhətçilərin işinin əlaqələndirilməsi və nəzarət edilməsi;
• Hüquqi sənədlərin hazırlanması: İnvestisiyalarla bağlı sənədlərin hazırlanması və müvafiq danışıqların aparılması, habelə konfidensiallıq (NDA), Fondun törəmə şirkətlərinin müqavilələrin və korporativ sənədlərin, və s. nəzərdən keçirilməsi və dəyişikliklərin edilməsi;
• Daxili sorğuların cavablandırılması: İnvestisiya departamentinə hüquqi və tənzimləyici məsələlər üzrə hüquqi dəstək və məsləhətlərin verilməsi. Fondun digər struktur bölmələrinin investisiya əməliyyatları ilə bağlı hüquqi sorğuların cavablandırılması;
• Çoxfunksiyalı əməkdaşlıq: Fondun digər struktur bölmələri ilə əməkdaşlıq edərək investisiyalarda əməliyyatlara dair siyasət və prosedurların hazırlanması, tətbiqi və idarə edilməsi.
• Hüquqi resursların idarəedilməsi: hüquqi resursların və nümunəvi sənədlərin hazırlanması, saxlanılması və idarəedilməsi.

Sizdən nələr tələb olunur?:

• Ali hüquq təhsili mütləqdir. Kommersiya, investisiya, maliyyə və ya korporativ hüquq sahəsində magistr təhsili arzuolunandır;
• Hüquq sahəsi üzrə 2-5 il iş təcrübəsi. Oxşar vəzifədə, xüsusən investisiya sahəsində iş təcrübəsi arzuolunandır;
• İngilis və Azərbaycan dillərində mükəmməl yazılı və şifahi kommunikasiya bacarıqları;

Axtardığımız namizəd kimdir?:

Biz detallara diqqət yetirən, güclü araşdırma və təhlil bacarıqlarına, həmçinin müstəqil və vaxt məhdudiyyəti şəraitində işləyə bliəcək təşəbbüskar namizədlər axtarışındayıq.

Maraqlısınız?:

Biz müraciətinizi gözləyirik! Aşağıdakı link vasitəsilə işə qəbul sistemimiz vasitəsilə müraciət etməyinizi xahiş edirik. Müraciətlər müraciət müddəti boyunca davamlı olaraq nəzərdən keçiriləcəkdir.

Müraciətlər 27 dekabr 2024-cü il tarixinədək qəbul edilir.