İnzibati bina

ARDNF-nin inzibati binası – “SOFAZ Tower” müasir texnoloji yenilikləri və Azərbaycan xalçaçılıq məktəblərinin qədim tarixini özündə birləşdirən unikal layihədir. Bina Heydər Əliyev prospekti 165 ünvanında yerləşir.

Azərbaycanın 9 xalçaçılıq məktəbinin (Təbriz, Şirvan, Gəncə, Qarabağ, Qazax, Quba, İrəvan, Bakı və Naxçıvan xalçaçılıq məktəbləri) elementləri əsasında dizayn edilmiş “SOFAZ Tower” ölkənin tarixini və gələcək inkişafını əks etdirir.

2009-cu il dekabr ayının 29-da Azərbaycan Respublikası Prezidenti İlham Əliyevin iştirakı ilə “SOFAZ Tower”ın təməlqoyma mərasimi keçirildi.

Binanın tikinti və dizayn işləri beş il ərzində yekunlaşıb. 29 dekabr 2014-cü il tarixində Prezident İlham Əliyevin iştirakı ilə binanın açılış mərasimi keçirildi.

Binanın hündürlüyü 117 metrdir (qüllə ilə birlikdə 140 metr) və ikimərtəbəli yeraltı dayanacaqla birlikdə 26 mərtəbədən ibarətdir. Binanın dizaynı və tikintisində dayanıqlılıq və enerjiyə qənaət üzrə tələblər tətbiq edilib. Bu məqsədlə binada ikiqat fasad sistemindən istifadə olunub. Binada alternativ enerji mənbələri istehsalı üçün işıq və günəş panelləri də quraşdırılıb. “SOFAZ Tower” “Yaşıl bina” tipli ofis binaları kateqoriyasına daxildir. Bina yaşıl zonalarla (Qış bağı) təmin edilib.

Binanın dizayn konsepsiyası

Binanın texniki parametrləri barədə məlumat

Tikinti üzrə arayış

Foto qalereya